මේ දුකම කොයිතරම්
මිහිරක්ද හිතවතිය...
වෑයමෙන් පපුතුරේ සඟවගත් ආදරය
විළිබරව වේදනා විඳිද්දී
සිහිනයෙන් සිහිනයට මගේ නෙතු පියන් මත
නුඹ ඇවිත් තරු රටා මවද්දී
බිම වැටුන මල් පෙත්ත මතවුවත් කවි සිංදු
සිය ගණන් ලියන්නට හිතෙද්දී
වේදනා නොවිඳින්න නුඹ දිනක ඔය හිතත්
රැගෙන යන බව මමත් දනිද්දී
දැනගනත් හැමදේම නොදන්නා සේ නුඹත්
මා එක්ක වල් පල්ම කියද්දී
නොදැනේවියැ'යි සිතා සඟවගන වෑයමෙන්
නුඹ එක්ක වල්පල්ම ගොතද්දී
ඉපිදගත නොහැකි පෙම ආත්මය ඉරාගන
හදවතේ ගැඹුරටම ඇදෙද්දී
වේදනා නොපෙන්වා හිනාවීගන ලොවට
හිතාගනු බැරි චරිත මවද්දී
ඇත්තටම දැනෙන දුක
කොයි තරම් සුමිහිරිද
ඔබ නිසා හිතවතිය....
කටුසු හදවතේ අගමුල හොයලා බලන්න මෙතනින් යන්න.
No comments:
Post a Comment